विशेष १ सय ३० क्षेत्रको मतगणना चल्दै, जित र अग्रतामा एमालेको बर्चश्व
Ujyaalo

काठमाडौं, मंसिर २३ – प्रतिनिधिसभाका १ सय ६५ निर्वाचन क्षेत्रमध्ये अहिलेसम्म ३२ क्षेत्रको नतिजा सार्वजनिक भएको छ ।

नतिजा आएका ३२ क्षेत्रमध्ये एमालेले २१ स्थानमा जितेको छ । माओवादीले ७ क्षेत्रमा जित्दा काँग्रेसले भने ३ वटा क्षेत्रमा मात्रै जित निकालेको छ ।

यस्तै हुम्लामा भने स्वतन्त्र उम्मेदवार छक्कबहादुर लामा विजयी हुनुभयो । मतगणना भैरहेका १ सय ३० क्षेत्रमा पनि एमाले र माओवादीकै उम्मेदवारले अग्रता लिइरहेका छन् ।

एमालेले ५७ क्षेत्रमा अग्रता लिएको छ भने माओवादीले २७ क्षेत्रमा अग्रता लिएको छ । यस्तै नेपाली कांग्रेसले २३ क्षेत्रमा अग्रता लिएको छ । तराईका केही जिल्लामा भने तराइकेन्द्रीत दलले अग्रता लिएका छन् । संघीय समाजवादी फोरमले ९ क्षेत्रमा अग्रता लिएको छ ।

यस्तै राजपाले ९ क्षेत्रमा अग्रता लिएको छ । यस्तै राप्रपा,नयाँशक्ति र जनमोर्चाले १/१ ठाउँमा अग्रता लिएका छन् ।

बुथ कब्जा गरेको आरोप प्रत्यारोपमा उत्रिएका कांग्रेस र वाम गठबन्धनका कार्यकर्ताविचको विवादका कारण स्याङजाका २ वटै क्षेत्रमा मतगणना रोकिएको छ । यस्तै अर्घाखाँचीमा भने मतदान अधिकृतले हस्ताक्षर नगरी मतपत्र दिएको विषयमा विवाद हुँदा सन्धीखर्कको एक मतदान केन्द्रमा शनिबार मात्रै मतदान भैरहेकोले समग्र जिल्लाकै मतगणना सुरु भएको छैन् ।

Share It

Post Comments
थप विशेष