विशेष पाल्पामा वाम गठबन्धनका उम्मेदवारहरु विजयी
Ujyaalo

देब पचभैया/उज्यालो ।

पाल्पा, मंसिर २४ –पाल्पामा बाम गठबन्धनका उम्मेदवारहरु विजयी भएका छन् । पाल्पा क्षेत्र नम्बर २ को प्रतिनिधि सभा सदस्यमा वाम गठबन्धनबाट उम्मेदवार एमाले केन्द्रीय सदस्य सोम प्रसाद पाण्डे विजयी हुनुभएको छ । ३४ हजार ८ सय ९९ मत प्राप्त गरी पाण्डे विजयी हुनुभएको हो । प्रतिस्पर्धी नेपाली काग्रेसका केन्द्रीय सदस्य हरिप्रसाद नेपाल २४ हजार ५ सय ५४ मत प्राप्त गर्नुभयो ।

क्षेत्र नम्बर २ को प्रदेश सभा (क ) मा वाम गठबन्धनकै एमाले उम्मेदवार डाक्टर पुरन बज्राचार्य विजयी हुनुभएको छ । बज्राचार्यले १८ हजार ४२ मत प्राप्त गर्नुभएको छ । प्रतिस्पर्धी काग्रेसका उम्मेदवार माधव नेपालले १३ हजार ४ सय ७० मत प्राप्त गर्नुभयो ।

क्षेत्र नम्बर २ कै प्रदेशसभा सदस्य (ख ) मा बाम गठबन्धनकै माओवादी केन्द्रका नेता तुलाराम घर्ती (वसन्त) विजयी हुनुभएको छ । तुलाराम घर्तीले १६ हजार ४ सय २२ मत प्राप्त गरी बिजयी हुदा प्रतिस्पर्धी नेपाली काग्रेसका नेता रामबहादुर कार्कीले ११ हजार ४ सय ९६ मत पाउनुभयो ।

पाल्पा क्षेत्र नम्बर १ को अन्तिम नतिजा पनि आइतबार दिउसोसम्म आउने मुख्य निर्वाचन अधिकृतको कार्यालयले जनाएको छ ।

 

 

Share It

Post Comments
थप विशेष