विशेष रामचन्द्र पौडेललाई निकै पछाडि छोडे किसान श्रेष्ठले
Ujyaalo

तनहुँ, मंसिर २४ –तनहुँ क्षेत्र नम्बर १ मा नेपाली कांग्रेसका वरिष्ठ नेता रामचन्द्र पौडेल पछि पर्नुभएको छ । पछिल्लो मतपरिणाम अनुसार उहाँले २१ हजार २ सय ६५ मत प्राप्त गर्नुभएको छ । उहाँका प्रतिस्पर्धी एमाले नेता कृष्णकुमार श्रेष्ठ ‘किसान’ले २६ हजार २ सय ३७ मत प्राप्त गर्नुभएको छ । ।

मतगणनामा सुरुदेखि रामचन्द्र पौडेल पछि पर्नुभएको छ । पछिल्लो मतअनुसार उहाँ ४ हजार ९ सय ७१ मतले पछि हुनुहुन्छ । तनहुँमा रामचन्द्र पौडेल र कृष्णकुमार श्रेष्ठबीचमा निकै प्रतिस्पर्धा हुने देखिएको छ । तनहुँ १ मा विशेष अदालतबाट भ्रष्टाचारी ठहरिएका कांग्रेस नेता गोविन्दराज जोशीको उम्मेदवारी खारेज भएपछि तनहुँमा कसको पल्ला भारी हुने भन्ने यसै भन्न नसकिने अवस्था रहेको छ । गोविन्दराज जोशी पक्षले तनहुँ १ मा पौडेललाई भोट नहाल्ने हो भने श्रेष्ठकै पल्ला भारी हुनेछ ।

पहिले ३ निर्वाचन क्षेत्र रहेको तनहुँमा अहिले २ वटा मात्रै निर्वाचन क्षेत्र रहेको छ । पहिले रामचन्द्र पौडेल क्षेत्र नम्बर दुईबाट उठ्ने गर्नुभएको थियो । क्षेत्र परिवर्तनसँगै पौडेललाई यसपल्ट फेरि चुनौती थपिएको कांग्रेसकै नेताहरु बताउँछन् । तनहुँ १ मा पौडेल र श्रेष्ठको जितमा उम्मेदवारी खारेज भएका जोशीको विशेष भूमिका हुन सक्ने देखिन्छ ।

Share It

Post Comments
थप विशेष