विशेष प्रदेश नम्बर १ मा अब प्रतिनिधिसभाका ७ ठाउँको परिणाम आउन बाँकी
Ujyaalo

मंसिर २४ – प्रदेश नम्बर १ को मतगणना अन्तिम चरणमा पुगेको छ । प्रतिनिधिसभातर्फ २८ क्षेत्र रहेको प्रदेश नम्बर १ मा अब ७ क्षेत्रको मात्र अन्तिम परिणाम आउन बाँकी छ ।

२१ सिटको अन्तिम परिणाम आउँदा एमालेले १५ सिट जितेको छ । माओवादी केन्द्रले ४ ठाउँमा जितेको छ भने कांग्रेस र राप्रपाले एक एक ठाउँमा जित हात पारेका छन् ।

प्रदेश नम्बर १ का १४ जिल्लामध्ये अब सुनसरी, झापा, तेह्रथुम, संखुवासभा र उदयपुरका केही क्षेत्रको अन्तिम परिणाम आउन बाँकी छ । तेह्रथुममा प्रतिनिधिसभातर्फको परिणाम आउन बाँकी छ । संखुवासभामा अहिलेसमम्म प्रतिनिसभाको एक र प्रदेशसभाका २ क्षेत्रकै अन्तिम परिणाम आउन बाँकी छ ।

सुनसरीमा प्रतिनिधिसभातर्फ चारवटै क्षेत्र र प्रदेशसभातर्फ ६ ठाउँको अन्तिम परिणाम आउन बाँकी छ । उदयपुरमा प्रतिनिधिसभातर्फ एक र एउटा प्रदेशसभाको परिणाम आउन बाँकी छ । कहाँ कुन दलका कुन उम्मेदवारले कति मत सहित जिते र कहाँ कसले अग्रता लिइरहेका छन् भन्ने थाहा पाउन यहाँ क्लिक गर्नुहोस्

Share It

Post Comments
थप विशेष