समाचार कांग्रेसले धेरै जिते २५ सिट सम्म !
Ujyaalo

काठमाडौँ, मंसिर २३ – प्रतिनिधिसभा सदस्य चुनावमा नेपाली कांग्रेसले धेरैभन्दा धेरै जिते २५ सिटसम्म जित्ने देखिएको छ ।

काठमाडौँका ३, रसुवाको १ र मोरंगको १ स्थानमा गरि अहिलेसम्म ५ सिट जितेको छ । ३८ सीटको नतिजा आउँदा ५ सीट मात्र जितेको कांग्रेसले गन्ती भैरहेका १ सय २४ स्थानमध्ये नेपाली कांग्रेसलेअहिले २० ठाउँमा मात्र अग्रता लिएको छ ।

अग्रता लिएका सबै क्षेत्रमध्ये १७ स्थान र गन्ती शुरु हुन बाँक स्याङ्जाका २ र अर्घाखाचीमा जिते पनि नेपाली कांग्रेसले अब २५ भन्दा बढी स्थान हासिल गर्न कठिन छ ।

कांग्रेसबाट काठमाडौँ १ मा प्रकाशमान सिंह, काठमाडौँ ४ मा गगन थापा, काठमाडौँ १० मा राजन केसी, मोरङ २ मा मिनेन्द्र रिजाल र रसुवा १ मा मोहन आचार्यले जित हात पार्नु भएको छ ।

कांग्रेसले अग्रता लिएका जिल्लामासुनसरी, बारा, धनुषा, पर्सा, रौतहट,सर्लाही, सिरहा, कञ्चनपुर र डडेल्धुरा छन् । सुनसरी ४ मा ज्ञानेन्द्र कार्कीले जित्ने सम्भावना कम छ । मोरङमा मिनेन्द्र रिजाल बाहेक सबैजना पराजित भइसकेका छन् ।

यस्तै प्रदेश नं. २ मा बारा १ बाट उमाकान्त चौधरी, धनुषा ४ बाट महेन्द्र यादव, रौतहट २ बाट मोहम्मद आफताब आलम र ४ बाट देवप्रसाद तिमिल्सेनाले जित्ने सम्भावना छ ।

यस्तै प्रदेश नं. २ कै सप्तरी ३ बाट दिनेश कुमार यादव र ४ बाट तेजुलाल चौधरी, सर्लाही ३ बाट हरिशप्रसाद महतो तथा सिरहा १ बाट प्रदीप गिरीले जित्ने सम्भावना बाँकी छ ।

यस्तै प्रदेश नं. ७ मा डडेल्धुराबाट कांग्रेस सभापति तथा प्रधानमन्त्री शेरबहादुर देउवाले जित्ने संभावना प्रष्ट भए पनि कञ्चनपुरबाट रमेश लेखकले जित हात पार्ने ग्यारेण्टी भैसकेको छैन ।

यी बाहेक प्रदेश नं. ४ मा स्याङ्जा र ५ मारुपन्देही तथा बाँकेमा पनि कांग्रेस उम्मेदवारले जित्न सक्ने सम्भावना छ । यी सबै ठाउँमा जिते नेपाली कांग्रेसले बढीमा २५ सीट पुुर्याउन सक्छ ।

Share It

Post Comments
थप समाचार