समाचार लेखक र भट्टको रोचक प्रतिस्पर्धाले समर्थकको ढुकढुकीमा गडबडी
Ujyaalo

कञ्चनपुर, मंसिर २४ – भित्र मतगणना चलिरहेको हुन्छ । मतपरिणामको पर्खाइमा बाहिर बसेका समर्थकको मुटुको चाल अनियन्त्रित झैं भैरहेको हुन्छ । पर्खिदा – पर्खिदा २/३ घण्टाको फरकमा आउने मतपरिणामले घरी काँग्रेस उम्मेदवार २०/३० मतले अघि हुन्छन् त घरी एमाले उम्मेदवार ।


कन्चनपुर क्षेत्र नं. ३ का प्रतिनिधि सभा सदस्यका उम्मेदवारहरु नेपाली काँग्रेसका रमेश लेखक र नेकपा एमालेका दीपक प्रकाश भट्ट बीचको प्रतिस्पर्धा सुन्ने, मत गन्ने र स्वयं उम्मेदवारका लागि रोचक भैरहेको छ ।


यी दुई नेता बीचको प्रतिस्पर्धी लुकामारी खेले झैं भैरहेको छ । यी दुई नेता मध्ये जो अघि लागेपनि सय भन्दा कम मतले मात्र अघि पछि भइरहेका हुन्छन् । हिजो बिहान अघि लागेका काँग्रेस नेतालाई दिउँसो भेटेर पनि बेलुकापख ८० मतको अग्रता थियो भट्टको ।


अहिले विहानसम्म काँग्रेसका लेखक भन्दा ३३ मतले मात्र अगाडि रहेका भट्टले पछिल्लो मतपरिणाम अनुसार मतान्तर केही बढाएका छन् । पछिल्लो मतपरिणाम अनुसार एमालेका दीपक प्रकाश भट्टको १४ हजार ५० मत रहेको छ भने काँग्रेसका रमेश लेखकले १३ हजार ७९३ मत प्राप्त गर्नुभएको छ ।

 

Share It

Post Comments
थप समाचार