समाचार कपिलवस्तुमा समानुपातिकतर्फ एमालेलाई कांग्रेसले २९८ मतले जित्यो
Ujyaalo

कपिलवस्तु, मंसिर २८ – समानुपातिक निर्वाचन प्रणाली अन्तर्गत प्रतिनिधिसभा सदस्य तर्फ कपिलवस्तुमा नेपाली कांग्रेस पहिलो दल बनेको छ । प्रतिनिधिसभा क्षेत्र नम्बर १, २ र ३ मा खसेको कुल मतमध्ये नेपाली कांग्रेसले नेकपा एमाले भन्दा २ सय ९८ बढी मत प्राप्त गरेको छ ।

जिल्ला निर्वाचन कार्यालयले दिएको जानकारी अनुसार नेपाली कांग्रेसले ६१ हजार २ सय ९२ मत प्राप्त गरेको छ । यसैगरी नेकपा एमालेले ६० हजार ९ सय ९४ मत प्राप्त गरेको छ । यसैगरी राष्ट्रिय जनता पार्टी नेपालले २१ हजार ९ सय ६७ मत प्राप्त गरेको जिल्ला निर्वाचन कार्यालयले जनाएको छ । संघीय समाजवादी फोरम नेपालले १८ हजार ६ सय ६६ मत प्राप्त गरी जिल्लामा चौथो स्थान बनाएको छ । नेकपा माओवादी केन्द्र १० हजार ८ सय मत प्राप्त गरी जिल्लामा पाँचौ स्थानमा देखिएको छ ।

प्रत्यक्ष चुनाव अन्तर्गत प्रतिनिधि भा क्षेत्र नम्बर १ मा वाम गठवन्धनबाट माओवादी केन्द्र, क्षेत्र नम्बर २ मा वाम गठवन्धनबाटै नेकपा एमाले र क्षेत्र नम्बर ३ मा नेपाली कांग्रेसका उम्मेदवार विजयी भएका छन् । यस्तै वाम गठवन्धनका तर्फबाट नेकपा एमालेका ४ जना, नेपाली कांग्रेसका १ जना र संघीय समाजवादी फोरमका १ जना प्रतिनिधिसभा सदस्यमा विजयी भएका छन् ।

समानुपातिकतर्फ जिल्लामा २ लाख ३० हजार ९२ मत खसेको थियो । जसमध्ये २९ हजार ८ सय ९५ मत बदर भएको छ ।

 

 

Share It

Post Comments
थप समाचार