समाचार अछाममा शान्तिपूर्ण रुपमा मतदान सुरु, एमाले उपाध्यक्ष रावलले गरे मतदान
Ujyaalo

बैतडी, मंसिर २१ – दोस्रो चरणको प्रदेशसभा तथा प्रतिनिधिसभाको चुनाव अन्तर्गत अछाम मतदान सुरु भएको छ । बिहान ७ बजेदेखि अछामका १ सय ९७ मतदानकेन्द्रमा मतदान प्रक्रिया सुरु भएको प्रमुख जिल्ला अधिकारी किशोर कुमार चौधरीले जानकारी दिनुभयो ।

जिल्लाभर शान्तपुर्ण रुपमा मतदान भइरहेको मुख्य निर्वाचन अधिकृतको कार्यलय अछामले जानकारी दिएको छ । यसैबिच नेकपा एमालेका उपाध्यक्ष एवं पूर्व उपप्रधानमन्त्री भीम रावलले बिहान ७ बजे मतदान गर्नुभएको छ ।

अछामको साफेबगर नगरपालिका–६ मा रहेको सूर्योदय प्रावि मतदान केन्द्रबाट भोट हाल्नुभएको अछामका पत्रकार एकेन्द्र महतोले जानकारी दिनुभयो ।

 

Share It

Post Comments
थप समाचार