समाचार दिउँसो १ बजेसम्म ४० प्रतिशत मतदान
Ujyaalo

काठमाडौं, मंसिर २१ – दोस्रो चरणको प्रतिनिधिसभा तथा प्रदेशसभा सदस्यको बिहीबारको चुनावमा दिउँसो १ बजेसम्म ४० प्रतिशत मतदान भइसकेको छ ।

उज्यालोका जिल्ला सहकर्मीहरुले दिएको जानकारी अनुसार केही जिल्लामा ४० प्रतिशतभन्दा धेरै मत खसिसकेको छ । अरु जिल्लामा पनि ४० प्रतिशतको हाराहारीमा मत खसिसकेको छ ।

निर्वाचन आयोगस्थित संयुक्त निर्वाचन सञ्चालन केन्द्रबाट प्राप्त पछिल्लो जानकारी अनुसार अहिले सबै मतदान केन्द्रमा शान्तिपूर्ण एवं उत्साहजनकरुपमा मतदान भइरहेको छ ।

दोस्रो चरणको निर्वाचनमा प्रतिनिधिसभा सदस्यका लागि १२८ निर्वाचन क्षेत्र र प्रदेशसभा सदस्यका लागि २५६ निर्वाचन क्षेत्रका गरी सात हजार ७५२ मतदान स्थलका १५ हजार ३४४ मतदान केन्द्रमा मतदान भइरहेको छ ।

बेलुका ५ बजेभित्र मतदान केन्द्रमा प्रवेश गरिसकेका मतदाताले मतदान गर्न पाउने व्यवस्था रहेको छ । पहाडी तथा तराईका गरी ४५ जिल्लामा आज सञ्चालन भइरहेको चुनावमा कूल १ करोड २२ लाख ३५ हजार ९९३ मतदाताले आफ्नो मताधिकार प्रयोग गर्दैछन् ।

Share It

Post Comments
थप समाचार