समाचार सर्लाहीको सबै ठाउँका मतपेटिका सदरमुकाममा, ११ बजेदेखि गणना हुने
Ujyaalo

सर्लाही, मंसिर २२ – सर्लाहीको सबै मतदान केन्द्रबाट मतपेटिका सदरमुकाम मलंगवा ल्याइएको छ । रातिअबेर सम्ममा जिल्लाका ५ सय १६ वटै मतदान केन्द्रको मतपेटिका सदरमुकाम आइपुगेको सर्लाहीका प्रमुख जिल्ला अधिकारी कृष्णबहादुर कटवालले जानकारी दिनुभयो ।

सुरक्षाकर्मी र दलका प्रतिनिधीले कडा सुरक्षाकाबीच मतपेटिका सदरमुकाम पुर्‍याएका हुन् । तीन लाख ८५ हजार ५ सय ८१ मतदाता रहेका सर्लाहीमा करिव ६५ प्रतिशत मतदान भएको अनुमान छ ।

मुख्य निर्वाचन अधिकृत राजेशकुमार काफ्लेका अनुसार सर्वदलीय बैठक बसेर बिहान ११ बजेदेखि मतगणना गर्ने तयारी भैरहेको छ । ४ प्रतिनिधिसभा सदस्य र ८ प्रदेशसभा सदस्य निर्वाचन क्षेत्र रहेको सर्लाहीमा क्षेत्र नं. १, ३ र ४ को सर्लाही क्याम्पस र क्षेत्र नं. २ को जिल्ला समन्वय समितिको भवनमा मतगणनाको व्यवस्था गरिएको छ ।

दलका प्रतिनिधिलाई तारजाली बाहिर राखेर कडा सुरक्षाका बीच मतगणना हुने मुख्य निर्वाचन अधिकृत काफ्लेले बताउनुभयो । उहाँका अनुसार केही मतदान केन्द्रमा छिटफुट घटना हुनु बाहेक जिल्लाभर शान्तिपूर्ण रुपमा मतदान सम्पन्न भई सदरमुकाममा मतपेटिका ल्याइएको हो ।

Share It

Post Comments
थप समाचार